(الحمار والأسد) خالد أبو العيمة
شكى الحمار للأسد:
البشر يا سيدي ضيعوا سمعتي
آهانوا إسمي وأكلوا لحمي
يرضيك يا أسد ؟
غدر ده ولا حسد !!
خلوني مثال للغبا لما يزعلوا من بعضهم
ويقولوا إنسان حمار !!
معقول يا ملك !!
وأنا اللي كانت امنيتي زماااان
أكون حمار إنسان؟
رد الأسد بعد ما نزلت دمعته:
أنا ملك في سِيرك يا غبي؟
زمااان انا كنت فارس مغوار
الوحوش تشوفني تعمل تعظيم سلام
أكل جاموس وبقر وغزلان
ودلوقتي بيأكلوني لحمتك
ويرمولي عضمتك
زمان الكل كان شبه البشر
لما كان جمال السلوك إنسان
في الحقوق والأكل والمكان
والكل كان شبعان
نهق الحمار نهقته وقال:
أنا مش شبه الإنسان يا أمم
أنا حمار يا جدعان.
#خالد# أبو العيمة#
ليست هناك تعليقات:
إرسال تعليق