مصر
عودتينا ع البساطة
مع إن عزك مالى البيوت
والحب ماهوش شيئ يتأجل
والحلم اللى احنا
حلمنا به
اننا هانعيش ليكى ونموت
يا عروسة النيل
يامزيج فتان بين لعب وجد
انتى الجنة اللى انا باسكنها
وبزرع فيها وباحصد ورد
انتى الارض اللى ماتبخلش
ولا بتصدى إن قصدك حد
نشوفك....
فى لمعة عين الطفل
مرسومة...
نشوف السمرة فى ترابك
نشوف الخضرة على نيلك
ولو نطق الرضيع هايقول
أنا مصرى...أنا إنسان
يا منة ربنا الغالية
ونعمة تستحق الشكر
يا بسمة عمرنا كله
وفرحة تعمنا بالبِشر
ياحضن بطيبته وحنانه
بينزع من قلوبنا الشر
يا أرض الخير
وحلم الغير يعيش فيكى
حياتى تهون واكون ممنون
ما دُمت بعمرى هافديكى
*****************
خالد أبو العيمة....مدونة سور الأزبكية
http://khaled-ibrahim.blogspot.com
ليست هناك تعليقات:
إرسال تعليق