زي أى حاجة حلوه بس المهم تستخدمه فى الوقت المناسب ومع
الشخص المناسب وفى كل الأحوال هو مطلوب لكل الأعمار والألوان والأنواع،بس المهم
تكون متجدد ومدهش وواثق من نفسك وأوعه تكون مزودها ولا نصاب.. خليك طبيعى لأن لو
دماغك واعية هتبقى حلوه وصاحيه وهتقدر تقول أحلى كلام،لأنه مش لازم تكون شاعر
المهم تكون حاسس وفاهم اللى بتقوله.
الكلام الحلو له لون وريحة وخليك عارف إنه بيعبر عن اللى
جواك الحلو أو المكتئب أو المهووس أو الخايف،وصدقنى ممكن تبقى سكر أو وردة أو طائر
رقيق أو أسد متوحش أو حتى حمار لا مؤاخذة.
حاول تفتكر الأسبوع اللى فات يوم بيوم كنت فيه إيه ؟
إنسان أو وردة .. حمامة .. سكر .. عسل ... وحش ... حمار
متنساش ممكن من كلامك أعرف شخصيتك وأحلامك وقلبك الأبيض
أو الأسود وأيامك الحلوه أو المنيلة بنيلة.
محبتى.......خالد إبراهيم أبو العيمة
http://khaled-ibrahim.blogspot.com
ليست هناك تعليقات:
إرسال تعليق